كرسي الاعتراف(لعبه جديدة)

موتن ديو دى شتيمة يا تررم ههههههههههههه

ربنا يعينك يا نودى
ومسيرك تقعى يا طماطم وهوريكى

وعلى العموم انا محضر لكل عضو أسئلته من الان
قولوا على نفسكم يارحمن يارحيم

ههههههههههههههههههه شكرا ليكم يا جماعة على اختيارى وشكرا ليكى يا تررم وانا فرحانة ان انا مهمة عندكم واختارتونى بجد انا بحب المنتدى اوى وبحبكم اوى
وانا تحت امر كل اعضاء المنتدى ومستعدة ليكم انشاء الله

ربنا معاكى يا نودى يا حببتى بجد قلبى عندك و ان شاء الله هسألك اسئله سهله كل بنات المنتدى معاكى اوعى تخافى

هما ( كيدهن عظيم ) فيه حاجه بتخوفهم

ده احنا معشر المظلومين اللى بنخاف منكم

هههههههههههههههههههههههههههههههه
كدة برضه يا الب
طاب انا غلبانه والله عملتلك ايه
طاب ايه رايك بقي انك حتتحط في الاستفتاء الجاي تناحه
وكوكي كمان هييييييييييييييييييييييييييه
عشان تقعوا مع بعض

نتيجة الاستفتاء النهاردة ان نودي هي اللي حتتسال
ربنا معاكي يا نودي واتنين ملايكة وشيطان صغير
هههههههههههههههههههههههههههههههههههه
وخدي بالك من الب

بسم الله
الله أكبر
أولا مش هطول عليكى
يعنى أسئله بسيطه مش هيكملوا خمسين سؤال
طبعا أنتى مشرفانا أسبوع لازم أعمل معاكى أحلى واجب
وبما أن أنا أول واحد هيسأل هكون رحيم عليكى

كرسي الاعتراف(لعبه جديدة) - صفحة 2 4ab6e4dded

كرسي الاعتراف(لعبه جديدة) - صفحة 2 D4be8daf45

تصورى نفسك وأنتى جالسه على الكرسى
وجنبك أعز صديقتين ليكى فى المنتدى
علشان يسندوكى
وطبعا اللهو الخفى بيسألك وأنتى مش شايفاه

كرسي الاعتراف(لعبه جديدة) - صفحة 2 F0c6c390da

وأول سؤال

مامعنى كلمه لا اله الا الله

السؤال الثانى

ماذا تعنى بالنسبه لكى الكلمات التاليه
الحب
الاخوه
الصداقه
الحياه

السؤال الثالث
طبعا أنا عارفك بتاعه مقالب كبيره
ايه أكبر مقلب عملتيه
وأيه أكبر مقلب أتعمل فيكى

السؤال الرابع

ماهى هواياتك

السؤال الخامس
مين أقرب شخص ليكى فى المنتدى

السؤال السادس
ايه احسن حاجه حصلتلك في حياتك؟
واوحش حاجه حصلتلك في حياتك؟
واكتر موقف محرج حصلك في حياتك؟

السؤال السابع
حاجه نفسك انها متكونش حصلتلك؟

وحاجه نفسك انها تحصلك؟

السؤال الثامن
مامعنى الاستقرار بالنسبه لكى

هو مرسى الاعتراف ولا كرسى الاعدام ربنا يكون فى عونك انا بعد الب

يا جماعه ياريت
منحطش اكتر من سؤالين كل مرة
عشان اللي بيجاوب يعرف يجاوب كويس وعلي كل الاسئلة
واخد بالك يا الب

سؤالي بقي لنودي
مين اكتر انسان بتحبيه في الدنيا
ومتقدريش تستغني عنه

اولا شكرا علىا لاسئلة يا الب يعنى انا هفضل اجاوب اسئلتك طول الاسبوع ولا ايه انت كنت شايل دة كلة فى قلبك ههههههههههههههههههه
الاجابة 1-كلمه التوحيد هي لاالله الا الله و معناها لا معبود حق الا الله
2-معنى الحب عندى كتيرالحب ممكن يكون كلمة سهل ان هى تتكتب لكن صعب ان انت تقولها لشخص الى بتحبو لاان هى معناها الاخلاص التضحية -الارتياح -الاستقرار-تفهم الى بتحبو من غير ما يتكلم وتحس بى وتقدرة هو دة معنى الحب الصادق الحقيقى
بختصار الحب تجربة إنسانية معقدة … وهو أخطر وأهم حدث يمر في حياة الإنسان
ب-الاخوة دى بتمثل لية شى جميل اوى واحساس اكيد كل واحد عنده اخوات بيحس بى بتحس باالاطمئنان وان انت مش تقدر تستغنى عنهم ومش بتخاف من الزمن طول ماانت معاك اخواتك احساس جميل واى حد معندوش اخوات بيحس ان هو وحيد فى الدنيا وانا اخواتى عندى مش مجرد اخواتى وبس انا بحبهم جدا ومقدرش يبعدو عنى يوم واحد
د- الحياة بتمثل عندى الامل والتفاءل والمستقبل
ج-الصداقة بلنسبالى اجمل شى فى الدنيا انا مقدرش اعيش من غير اصدقاء انا اجتماعية وبحب يكون عندى اصدقاء بس مقياس الصديق عندى غير الصاحب لاان الصداقة عملة ندرة فى الزمن دة وتعتبر كنز كمان وانا عندى اصدقاء وربنا يخليهم لاان هما فعلا يستحقو الكلمة دى كلمة صديقي يعنى مثلابيقفو معايا وقت الشدة بيحبوبى جدا يمكن عللاقتهم معايا اكتر من اخواتى كمان
3- هههههههههههههههه انا غلبانة يا الب
انا بعمل مقالب فى صحابى كتير يعنى بحب اهزار
بس اكتر مقلب عملتو وكان مضحك اوى
كان مع عمتى ضحكت عليها وقولتلها تفتحلى علبة دواء وكانت فيها تعبان والتعبان طلع على عمتى لعبة طبعا وقعدة تصوت وكانت هتموت منى هههههههههههههه
والمقلب الى اتعمل معايا
انى عرفت صديقة لمدة 8سنين واكتشفت ان هى كانت صداقة مصلحة سعتها عرفت انى اخد اكبر مقلب فى حياتى
4- هواياتى
كتير اولا انا بحب الرياضة وبحب الكورة جدا وكنت بلعب تنس وبطلت
وبحب السياسة وكمان بحب القراءة اوى
5- اقرب شخص عندى فى المنتدى انا اعرف كل بنات المنتدى وبحبهم اوى واحنا اصدقاءجدا بس اقرب واحدة ومن زمان من قبل المنتدى كوكى
6-احسن حاجة فى حياتى ان انا الحمد لله حققت بعض احلامى واتحديت حاجات كتير يعنى اتحطيت فى ظروف وقدرت اثبت نفسى ووجودى والحمد لله
ب- اوحش حاجة حصلت فى حياتى انى كان عندى صديقة وكنت بحبها اوى واتصدمت فيها جدا دى اوحش موقف حصلى فى حياتى
ج- المواقف المحرجة كتير هو طول مااحنا ورانا الشباب هنبطل احراج ههههههههههههه
بس اغرب موقف حصلى انى مرة كنت فى مصيف لمدة اسبوع وواحد كان مصمم يتعرف علية وقعد كل يوم يعاكس واروح البحر يروح البحر ورايا اروح اشترى حاجة القى بردو
المهم فى اخر الاسبوع دخلة السوبر ماركت اشترى حاجة لقيتو دخل ورايا وبيدفع الفلوس الطلبات ويقولى مش انا وانتى واحد وانا اصلا عمرى ما كلمتو احرجت جدا وقعد خمس دقايق فى حالة ذهول وبعد كدة قلت لبتاع السوبر ماركت اديلو الفلوس انا معرفهوش ودفعت وسيبتو ومشيت هههههههههههههههههه
7- حاجة نفسى ان هى متكونش حصلت
كان نفسى ماما تكون معايا بس نصيب والحمد لله
ب- انا نفسى ان انا اكون حاجة كويسة نفسى اشتغل بشهادتى واعمل حاجة كويسة حلم حياتى انى اكون سفيرة او دبلوماسية وانفع بلدى
وكمان نفسى انى اروح الحج واموت هناك عند الرسول
8- حلوة اوى السوال دة الاستقرار كلمة نفسى احققها وطبعا دى عمرها ما بتحقق الا فى وجود النص التانى ويكون انسان عارف ربنا ونعمل اسرة دينية سعتها هحس بالاستقرار وانى عملت حاجة فى الدنيا انا وشريك حياتى انشاء الله

شكرا ليكى يا طماطم على السوال
انا هقولك انا اكتر شخص بحبو هما اهلى يعنى بابا واخواتى وبعد كدة شريك حياتى لاان لو مليش خير فى اهلى مش هيكون عندى خير فى حد
دول مقدرش استغنى عنهم خالص وربنا يخليهم لية

وانا جهزة لااسئلتك يا كوبرا ومش تخاف علية ردت بردو على اسئلت الب هههههههههههه ومنتظرة اسئلتك

شكرا على الردود
وأنا منتظر باقى الاعضاء يسألوا
وهكمل
لسه الاسبوع طويييييييييل

سؤالي ليكي يا جميل النهاردة

امته تسمحي حد وللاي حد
وايه درجة التسامح بالنسبة لك وايه معناها من وجهة نظرك

بسم الله الرحمن الرحيم
اولا احب اقول ان نودى حببتى وبنت عمى انا فخوره بيها جدا وبشخصيتها ومعظم الاسئله اللي اتسألت انا كنت عارفه اجابة معظمهالان نودى زى ما طول عمرها معودانا انها جريئه وشجاعه مش بتخاف من مواجهة حد
بس بجد انا عندى سؤالين ليكى يا نودى :
1- لما تتحطى فى مشكله هل بتهربى منها ولا بتحاولى تحليها وتفضلى معاها للاخر؟
2- ايه الحاجه اللى استحاله تغفريها لمخلوق على وجه الارض؟

اولا انا بحيكى على السوال دة
وهقولك على حاجة ربنا بيسامحنا كتير وكلنا بنغلط ولازم نغفر لبعض بس انا اكتر حاجة بضيقنى وصعب انى اسامح فيها الكدب مش بحب حد يكدب علية حتى لو هيزعلنى يزعلنى احسن انا بحب الصراحة ومش بحب الكدب ابدا
بس لو حد غلط اى غلط تانى واعتزر بسامح طبعا انا عموما ومعروف عنى كدة الحمد لله قلبى كبير جدا ومش بعرف ازعل من حد

شكرا ليكى يا كوكى على الاسئلة
انا لما بتحط فى اى مشكلة عمرى ما بهرب الهروب ضعف وانا مش بحب الضعف بفضل معها للاخر وكمان الحمد لله ربنا بيوافقنى واحلها حتى لو صعبة ان هى تتحل بس بكون وثقة فى ان ربنا ديما مش بينسى حد وديما لما بيحطنا فى اى مشكلة بيكون اختبار ولا يكلف الله نفسن الا وسعها
ا2-الحاجة الى صعب انى اغفر لحد فيها وهو الظلم احساس الظلم وحش اوى يارب ميحكم على حد بى وخصوصا لما حد يظلمك ويفترى عليكى وانتى مش قدرة تدفعى عن نفسك
شكرا ليكى يا كوكى على الاسئلة

السوال الاول :_ اية هى اللحظة الى عملتى حاجة غضبتى فيها ربنا وبفيتى مش طايقة نفسك ؟؟؟؟ظ!!!

التانى :/ اية هو الحلم الى بتحلمة بية وعرفة انة مش هيتحقق ؟؟؟

هقولك اللحظة الى عملت حاجة واغضبت ربنا
انى مكنتش محجبة من 4سنين اة كنت بلبس كويس وكل حاجة بس حاسيت انى بعيدة عن ربنا وقعد افكر انى ممكن لموت فى اى لحظة وبعدها قررت اتحجب وغيرت حياتى للاحسن والحمد لله
وكمان كنت نفسى اعرف لية الناس بتدخل شات وبيستفيدو ايهتجربة يعنى بس حاسيت ان دة حرام وبطلت ادخل شات او اتكلم مع حد الحمد لله
2- بص هقولك مفيش حد بيحلم بحلم وهو عارف ان هو مش هيتحقق لاان انا معرفش بكرة فى ايه يعنى الله واعلم انا اصلا احلامى بسيطة وديما بحلم بحاجة كبيرة وبكون عرفة ان هى ممكن مش تتحقق بس اكيد ممكن جزء منها يتحقق يعنى ديما بسبها على ربنا والحمد لله بحقق الى انا عاوزة والى مكتوبلى هشوفة وانا ردية بااى شى
شكرا ليك يا كوبرا على ا لاسئلة

انا خلاص مش عارف اقلك اية هربتى بس زى مقال الب الاسبوع طووويل

مبروك عليكي يا قمر كرسي الاعتراف ولا اقول مبروك للكرسي
هههههههههه
بجد انتي نورتيه
حبيبه قلبي
اسالك بقي
بجد بجد بجد انتي سوسه زي ما بقول عليكي
هههههههههههههههه
ولا مجرد ذكاء

اولا شكرا ليكى جداجدا يا احلى مديرة على الكلام الجميل دة
ثانيا ايه السوال الصعب دة هههههههههههههههههههه
بس انا والله مش سوسة ولا حاجة انا بس اتعلمت من الدنيا انى احاول اخد بالى من كل حاجة وافكر كويس فى اى حاجة مش اسيب حاجة تعدى كدة
يعنى الواحد لازم يكون مفتح اوى لكل حاجة
بس يا ستى هو دة كل الموضوع وشكرا ليكى على السوال

ايه اكتر لحظه بتحسى فيها بالسعاده فى حياتك ؟ وايه اللي بتحسى انك عايزة تعمليه لما بتكونى سعيده يعنى اول حاجه بتخطر فى بالك ايه ؟

شكرا يا كوكى على السوال
بصى انا هقولك انا اكتر لحظة بحس فيها انى سعيدة اوى لحظة النجاح يا ااااااااااااااا
احساس جميل ان انتى بعد لما تتعبى تلاقى نفسك ناجحة وبتفوق سعتها بكون عاوزة اروح لبابا واقولو اهو يا بابا انت الى تستحق دة وعملتها كتير وخصوصا يوم تخرجى لما اخد شهادة تقدير من الجامعة ادتها لبابا اول ما رجعت

سؤالي النهاردة يا حلوة
ايه هي الصفات اللي تتمني تلاقيها في الانسان اللي حتربطي بيه
وايه هي العيوب اللي استحاله تقبليها